کی غم و هجرده دیل مولکونو ویران ائتدیم

ممکن اولماز منه وصلین بیلیرم حشره کیمی

اول سبب مسکنیمی کوه و بیابان ائدیم

عشق سولطانی منیم قتلیمه فرمان گتریب

اتمدیم ترکی وفا طاعتیئ فرمان ائتدیم

یا طبیب آدینی ترک ائیله طبابت ائتمه

یا منیم دردیمی تاپ گور نییه طوغیان ائتدیم

ناتوان ائتمدی اول سنگ دیله نالم اثر

گئجه گوندوز نه قدر ناله و افغان ائتدیم.

حورمتلی دوست لاریم بوندان کی ۱۱ آیا یاخین بو وبلاگی تازالییا بیلمدیم چوخ اوزگونم

آنجاق بیر خو ش خبرله سیزی سئویندیرمک استرم من ۸۷ اینجی ایلین بایرام آینین ۱۰ ندا

سئوگیلیم له عمور یولداش لیقینا قرار وئریب ائولندیک. بوندان سونرا سیزلره تازا یازی یازاجاغام الاهین امیدائیله.

دونیادا ان چوخ سئودییم بیری اوچون یازدیم بونو اوزو بیلیر کیمدیر :

بختیار عاشیق اودور کی،اونو جانانی سئویر

بینوا بولبولونو، اوز گولئ- خندانی سئویر

من او زولفون آزی یوز دفعه بلاسین چکدیم

دلی کونلوم یئنه اول زولفی – پریشانی سئویر

اعتیبار اولماز اوزون گوسترن عاشیق لرده

احسن اول عاشقه جانانینی پنهانی سئویر

عصری حاضیر کئ – گوزلیکلری گورمور زاهید

ایندی ده جهلینی گور – روضه یئ رضوانی سئویر

سئویرم من او نزاکتلی گوزل دیلبری کی

موسیقی علمینی ، رسامی ، غزلخوانی سئویر

پیر کونلوم گلییر ایلهامه گوررکن هردن

بیر نجابتلی گوزل قیز گوزل اوغلانی سئویر

واحیدین اوچولوغو اولسادا اینصافی دا وار

اوز کمندیینه دچار ائتدیی جیرانی سئویر

اولدوز ساياراق گوزله ميشم هر گئجه ياری

گج گلمه ده دير يار يئنه اولموش گئجه ياری

گؤزلر آسيلی يوخ نه قارالتی نه ده بير سس

باتميش گولاغيم گؤرنه دؤشور مکده دی داری

بير قوش آييغام! سويليه رک گاهدان اييلده ر

گاهدان اونودا يئل دئیه لای-لای هوش آپاری

ياتميش هامی بير آللاه اوياقدير داها بير من

مندن آشاغی کيمسه يوخ اوندان دا يوخاری

قورخوم بودی يار گلمه يه بيردن ياريلا صبح

باغريم ياريلار صبحوم آچيلما سنی تاری!

دان اولدوزی ايسته ر چيخا گؤز يالواری چيخما

او چيخماسادا اولدوزومون يوخدی چيخاری

گلمز تانيرام بختيمی ايندی آغارار صبح

قاش بيله آغارديقجا داها باش دا آغاری

عشقين کی قراريندا وفا اولمياجاقميش

بيلمم کی طبيعت نيه قويموش بو قراری؟

سانکی خوروزون سون بانی خنجردی سوخولدی

سينه مده أورک وارسا کسيب قیردی داماری

ريشخندله قيرجاندی سحر سويله دی: دورما

جان قورخوسی وار عشقين اوتوزدون بو قماری

اولدوم قره گون آيريلالی او ساری تئلدن

بونجا قره گونلردی ایدن رنگيمی ساری

گؤز ياشلاری هر يئردن آخارسا منی توشلار

دريايه باخار بللی دی چايلارين آخاری

از بس منی ياپراق کيمی هيجرانلا سارالديب

باخسان اوزونه سانکی قيزيل گولدی قيزاری

محراب شفقده ئوزومی سجده ده گؤردوم

قان ايچره غميم يوخ اوزوم اولسون سنه ساری

عشقی واريدی شهريارين گللی- چيچکلی

افسوس قارا يل اسدی خزان اولدی بهاری

بيلمم، بو نازنين کيمين استکلي ياريدير ؟

يا هانسي بختيار لارين بختياريدير !

آچديقجا گول جماليني، ائللر فرحله نير

گويا، گوزه للک عالمينين نوباهاريدير

دونيا بو نازنين مله يين حسرتين چکير،

خلقين سئوملي آفتي، هم شهرياريدر

يوز دفعه يانساق عشق اودونا، قورخو بيلمريک،

چونکو دياريميز بيزيم اودلار ديياري يدر

بير واخت سجده گاهيدي اتش پرستلره

شهرئ - صبا کي، مرکزي دريا کناريدير

قان ائتمه، ساقي، باغريميزي، باده تئز گتير

دولدور قدحلري، گئجه ميز کئچدي، ياري دير

هرکيم کي دئييرسه، سئومه بو رعنا گوزه للري

بيلميرکي، سئوگي عالمي بي اختياريدير

بير گون گله رکي، من گئده رم، خلق سويله ير

بيچاره واحيدين بو غزل يادگاري دير

گئجه مین یوخوسوداشلانیرئینه

قوشغولارسئوگیدن باشلانیرئینه

یارگلیب یوخوما میننته یئنه

ایرئلیق گوزومده یاشلانیریئنه



دویغولو آنیلار یادیما دوشور

خاطیره سیگاری یانیر اوتوشور

اونونده بیر باخیش سونو آیریلیق

دوداغیم اود توتور اورگیم اوشور



ائله سان اوره گیم باغیشلار سنی

ده نئجه سیلینیرساتقین لیق چنی

هارجانان اوره گین الینار گوره ن

سن اوزون سئچگینن دوزو ترسنی



گئدیبسن ائله کی یادا دونموسن

دیلیمده بیر قورو آدا دونموسن

بالیدین بیر زمان آجی گونلره

یادیمدا بیر آجی دادا دونموسن



گئدیبسن ائله کی دونه بیلمیسن

اوز اودان یانیرسان سونه بیلمیسن

اوچوشان پرییدین اینسانا دوندون

او قوتسال پرییه دونه بیلمیسن



گئدیبسن ائله کی اوزون کسمه دی

دییه سن هئچ اوره گ سنه اسمه دی

سا پدیغین یوللاری گونده اوزالتدین

سانما کی دونوشون یولو کسمه دی



بیلیرم سوزلریم اینجیته رسنی

اوتانیر گوزلرین باسیرته رسنی

هرنه یی ایتیرسن تاپیلار آنجاق

دوز یولو ایتیرن تاپیر ته رسنی



* اوزگور*

هر عاشیق اولان بولبولئ شیدا کیمی اولماز

مین لرجه بو دونییا گوزللر گئله بیرده

من سئودیگیم اول شوخی دلارا کیمی اولماز

گولدن او تمنانی کی بولبول قیلیر هر دن

مین باشقا تمنا بو تمنا کیمی اولماز

فخر ائتمه سین اوز سئودیگی لئیلا سینا مجنون

مین لئیلی اگر گئلسه بو لئیلا کیمی اولماز

واحید دئمه کی عطریلی گوللر یئتیشیبدیر

هر عطر گلیب عنبری سارا کیمی اولماز

چكير وارليغيمي دارا گؤزلری
آپارير روحومو هارا گؤزلرین
قارا بير محبس دير قارا گؤزلرین
بوراخ گؤزلرينين حبسيندن منی
...
یاندیریب ياخماقدا اؤد قودرتي وار،
تکجه من بيليرم نه حيددتي وار،
، آخی جزانين دا بير مدتي وار،
گؤزلرينين حبسيندن مني.بوراخ

...
قالديم جاذيبه نده بيهوش کیمی یم
مرحمت گؤزله ين باخيش کیمی یم
قفسه سالينميش بير قوش کیمی یم
بوراخ گؤزلرينين حبسيندن منی
...
گونوم ائله سندن شيكايت اؤلوب،
بو سئوگی بير داستان ،حئكايت اؤلوب
محبت نه واخت دان جينايت اؤلوب
بوراخ گؤزلرينين حبسيندن منی
...
زيندانا كؤنوللو سالديم اؤزومی
عيبي يوخ، پاييزا دؤندریازیمی
من گوناه ايشله ديم آرتیر جزامی
ساخلا گوزلرينين حبسینده منی

                        بیر ظالیم اویالتدی بیزی

                                                آنالارین قوجاقیندان

                                                                  بودونیایا آلتیدی بیزی

بیز کی یول نه دیر بیلمزدیک

                     بیز کی سئو  نه دیر بیلمزدیک

                                               بیلسک دونیایا گلمزدیک

                                                                  آنالار آلداتدی بیزی

ساچلارينا بنزتميشم گئجه مي 

 اوزاق گزمه يانيما گل سئوگيليم 

 دوداغيندا ايتيرميشم سؤزومو 

 گولوشونله جانيمي آل سئوگيليم

 سن او تايدا من بو تايدا آرالي

 کؤنلوم درد ايلندن اولوب يارالي 

 يانيما گل آذربايجان مارالي

گولوشونله جانيمي آل سئوگيليم

 گولوشونله جانيمي آل سئوگيليم

چوخ وفالي دوستلاريم واردير، يامان گون گلجه يين
تاردان اوزگه قالمايير يار وفاداريم منيم

يئر توتوب غمخانه ده، قيلديم فراموش عالمي
من تارين غمخواري اولدوم، تار غمخواريم منيم

گوزلريمه هر تبسم سانجيلير نئشتر كيمي
كيپريگي خنجردي، آه، اول بي وفا ياريم منيم

آسمان آلدي كناريمدان آي اوزلو ياريمي
ياش توكر اولدوز كيمي بو چشم خونباريم منيم

اي بو غملي كونلومون تاب و تواني، سويله بير
عهد و پيمانين نه اولدو، نولدو ايلغاريم منيم

"شهريار"م گرچي من سوز مولكونون سلطاني يم
گوز ياشيمدان باشقا يوخدور در شهواريم منيم

یارین رهئ عشقینده کونول قان اولا، خوشدور

هیجرینده گوزوم هر گئجه گیریان اولا، خوشدور

من کی، بو قارا گوزلولر عشقینده اسیرم

سینم هدفئ- ناوکئ- مژگان اولا خوشدور

سن عصریمیزین ایندی زولئیخاسی سان، ای گول!

عاشیق سنه مین یوسفی کنعان اولا، خوشدور

ییغما باشینا، ناز ایله بیر شانه چک هردن

کونلوم کیمی، زولفونده پریشان اولا، خوشدور

گل سینه نی گوستر منه هر صبح زمانی

گول بولبول اوچون چاکئ گریبان اولا، خوشدور

رخسارین اودو کونلومو یاخدیقجا سئویننم

پروانه اوچون شعله یئ سوزان اولا، خوشدور

جانان نه جفا ائیلسه، واحید یئنه صبر ائت

عشق اهلی اسیری غم جانان اولا، خوشدور

سوکوتا بورونوب یوللارلا آنلار

گؤیلرده ساللاییب قاشین قاباغین

گئتمک ایسته ییرسن آددیمین گلمیر

گؤزومه باغلی دیر سنین آیاغین

اوخلانیب گؤزومه گؤزلرین سنین

باخیشین جالاییر کؤنلومه سازاق

آیریلیق ناغیلین اوخویورام من

هر کیپریک چالاندا دؤنور بیر واراق

جومورام کؤنلونه آی دنیز گؤزلوم

کؤنلون دالغالانیب چاغلاییر منی

آدیمی سیلیرسن بو گون بختیندن

گؤزلر داملا ـ داملا آغلاییر منی

بو گون سن گئدیرسن کدرلی یم من

دونوبدور آغزیمدا فریادیم سؤزوم

یوخ ! یوخ ! آغلاماییر دالینجا سنین

اوغور اولسون دئیه سو سپیر گؤزوم

نه واختسیز کؤچورسن سونقور باخیشلیم

هاچان یازدا کؤچور گؤللرین قازی

آی ایپک قانادلیم سن کی بیر داها

قاییتمایاجاقسان نئلیرم یازی

داشلاردا آغلاییر وداع مارشینا

یوللاردا دوشونوب سون نییتینی

آیاقلا آرزیمی خوش گونه قوووش

ایسته رم دونیادا سعادتینی

دئمیشدیم آنانا :"سئودیییم گؤزل ،

سیزین قیزینیزدیر ، منیم اولاجاق !"

بیلمزدیم ساچین تک باخدیم قارادی

آرزی چیچکلریم بیر گون سولاجاق

منیمسه بختیمدن بئله گلیبدیر

هئچ آلوو بئله جه منی یاخمادی

اوچدو آرزیلاردان تیکدیییم بینا

ییخیلمیش تاواندان توز دا قالخمادی

گئتدین بخت ائوینه یولون اوغورلو

ظن ائتمه اؤز الیم ـ اؤز باشیم اولدو

گئتدین می حیاتین اوغوللو ـ قیزلی

منیمسه سیرداشیم گؤز یاشیم اولدو

گؤز یاشیم جواهیر ، گؤز یاشیم اینجی

دایان ، گئتمه دایان دردینی آلیم

آغارمیش ساچیمین ساپینا دوزوب

بو سون یادگاری بوینونا سالیم

آتالار دئییبلر:" حیاتین یولو ،

یاری قیسمت اولسا یاری همت دیر "

اولدوقجا چالیشدیم چاتمادیم سنه

خوشبخت اول گؤزلیم ، بودا قیسمت دیر

«الوداع» دئییرم تیترک دوداقلا

لاکین آرزیم ، عشقیم دومانا دؤنور

سؤزلریم آسانجا قوپور دیلیمدن

آنجاق گؤروشوموز گومانا دؤنور

کؤکسومده قیزیلدان بیر سارای سالدیم

یاشارسان عؤمورلوک دیله ییمده سن

گؤزومدن گئتسنده اوزاق دئییلسن

رویالاریمداسان ، اوره ییمده سن

حسن اومود اوغلو

اغیاره اولان مئیلینی پنهان  باشا دوشدوم.

قلبینده نه لر وار ، اونو بیگانه  دوشونمز ،

گورجک سنی ،ائی سئوگیلی جانان ، باشا دوشدوم.

مجنون ائدن عشق اهلینی کیم دیر ،نه بیلیردیم،

زولفون کی سحر اولدو پریشان ،باشا دوشدوم.

گوردوکده زنخدانینی بیلدیم کی ،او یوسیف ،

اولموش نه اوچون لایقئ – زندان ، باشا دوشدوم.

دردی غمئ – هیجرانه چتین لیک یئری یوخموش ،

بوموشکولو گولمک قیلیر آسان ، باشا دوشدوم.

گول اوزلو گوزهل بیر صنیمین اولدوم اسیری،

بولبول کی ، ائدیر ناله وافغا ن، باشا دوشدوم.

سوردوم ، ساغالان درد دئییل  عشق بلاسی ،

اولمک دیر اونون چاره سی آسان ، باشا دوشدوم.

واحید ، اگر امیدئ – وصال ائیلمه سه یدیم ،

ییخمیشدی منی محنت وهیجران باشا دوشدوم.

سن یاریمین قاصیدی ســـن

ایلش سنه چای دئمـــــــیشم

خیالینـــــــی گؤندریـــــب دی

بس کی من آخ وای دئمیشم

آخ گئجه لر یاتمامیشــــــام

من سنه لای ـ لای دئمیشم

سن یاتالی من گؤزومــــه

اولدوزلاری سای دئمیشـم

هرکس سنه اولدوز دئیـــه

اؤزوم سنه آی دئــــــمیشم

سندن سونرا حیــــــاته من

شیرین دیسه زای دئمیشـم

هر گؤزلدن بیر گول آلیــب

سن گؤزله پای دئمیشــــــم

سنین گون تک باتمــاغینی

آی باتانا تـــــای دئمــــــیشم

ایندی یایـــا قـــیش دئییــــرم

سابیق قیشــا یای دئمــــیشم

گاه تویونو یـــــاده ســـــالیب

من دلی نــای ـ نــای دئمیشم

سونـرا یئنه یاســــــــه باتیب

آغلاری های ـ های دئمـیشم

اتک دولـــــو دریــــا کیمــــی

گؤز یاشیما ، چای دئمـــیشم

عؤمره سورن من قارا گون

آخ دئمیشم ، وای دئمیشم ...

                                         ( شهریار )

سجده دیر هر یئرده بیر بت گؤرسم آئینیم منیـــــــــم

خواه کافر ، خواه مؤمن توت ، بـــــودور دینیم منیم

باغبان ، شمشاد و نسرینین منه عـرض ائتمه کیم ،

اول قد و رخسار دیر شمشـــاد و نســــــرینیم منیم .

خاک درگاهین نظـردن سورمـــــــه ای سیلاب اشک

قیلما ضایع سرمــــــــــه چشـــــــم جهــان بینیم منیم

اشک موجی گزدیرر هر یان تن خاشــــــــا کــــــیمی

ممکن اولماز اشک تحریکی له تمکینیــم منیـــــــــم

چاره اومدوم لعل شیــــرینین دن اشک تلخیمـــــــــه

اوندان آرتیق دیر مگر عشق ایچره تمکینیم  منیم ؟

ای فضولی ، هــــــــــر یئتن طعن ائیلر اولدو حالیمه

بو یئتر اهل ملامت ایـــــــچره تحسینیـــــــــــم منیم .

اوره گیمی چوخ کئورلتدی :  

اؤزگور دولانیردیق یام یاشیل ایاقیندا

بیرده ن حوپ دوتدو دایاندی زامان

چاشقینلیق دوشدو اؤره گیمیزه

زامپارا بؤزگوش پیس باخدی یامان

آل الوان بویائیب زنگین خالچاسین

خالچانین گوللری ناقیص دی گومان

اؤزون گؤولدوردو بیزی آغلاتدی

گوزل گوللریم تالاندی آمان

ایندی من قالمیشام بیر داها کولگه م

کوچمه گه حاضیرام هر هانسی زامان