بو وبلاگدا تورکجه شعرلر یازیلاجاقدیر.

گورسن من نییه یا رب بئله نالان اولدوم ؟

غلط ائتدیم کی سنه واله حیران اولدوم ؟

 

اودا یاخدین منی بیچاره نی پروانه کیمی

آجیغین گدی مگر عاشیق انسان اولدوم ؟

 

سود و سرمایه می مجموع الیمدن آلدین

نییه کیم زاهد اولوب مسجده دربان اولدوم !

 

شیخ صنان کیمی من بوینوما سالدیم زنار

ایندی گل گور کی کلیسالارا رهبان اولدوم

 

ائتدیم اول دیلبر ترسایا  بوگون بیر سجده

ایندی بیلدیم کی یقین منده مسلمان اولدوم

 

شکر الللاه کی من کوفروده بولدوم ایمان

کئچن ایامه نه حاصیل کی پشیمان اولدوم

 

گل نباتی، دولانیم باشینا، به! به! نه گوزل

جان وئریب یاره، وفا راهینا قوربان اولدوم

 

+ نوشته شده در  2011/7/28ساعت 18:53  توسط بی اوغلان |